Gizartea -
MIGRAZIOA
'Aita Mari'k 125 pertsona gehiago erreskatatu ditu, eta Italiak lehorreratzeko baimena eman dio
Bi ontzitan zihoazen migratzaileak, eta bihar Cataniara iristea espero dute.
eitb media
Aita Mari erreskate itsasontziak beste 125 pertsona erreskatatu ditu gaur Mediterranio itsasoan, EITBk jakin ahal izan duenez.
Bi ontzitan zihoazen migratzaileak jaso dituzte gaur, eta Italiak Cataniako portuan lehorreratzeko baimena eman dio. Bertara bihar iristea espero dute.
106 heldu, 96 gizon eta 10 emakume, eta 19 adingabe erreskatatu dituzte. 16 adingabe laguntzailerik gabe zihoazen, eta bi adingabeak dira. Gainera, haurdun dauden bi emakume daude.
Erreskatatutako pertsonen jatorrizko herrialdeak honako hauek dira: Eritrea, Etiopia, Pakistan, Sudan, Egipto, Togo, Nigeria, Ginea Konakry, Kamerun, Beni, Ghana eta Niger.
Itsas Salbamendua gobernuz kanpoko erakundearen ontziak atzo salatu zuen kostazain libiarrak geturatu zitzaizkiola "Go Home!" oihukatuz, eta arma automatiko batekin mehatxu eginez. Ez omen da mehatxuak jasotzen dituzten lehenengo aldia.
