Gizartea -
POLIZIA-OPERAZIOA
Droga jostailuetan ezkutatuta saltzen zuen sare bat desegin dute Madrilen
Polizia-operazioan, gizonezko bat atxilotu dute, sarearen arduraduna delakoan. Osasun publikoaren aurkako delitua leporatu diote.
AGENTZIAK | EITB MEDIA
Droga jostailuetan, boligrafoetan edota gozokien bilgarrietan ezkutatuta saltzen zuen sare bat desegin dute Madrilen. Etxebizitza bat erabiltzen zuten banaketarako.
Joan den otsailean izan zuen Espainiako Polizia Nazionalak etxebizitza horren berri, eta hainbat ikerketa egin ondoren, apirilaren 10ean egin zuten operazioa. Besteak beste, kokaina, ketamina, mefedrona, metanfetamina, GHB eta sildenafiloa atzeman zituzten. 2.000 euro inguru ere aurkitu zituzten, esku-dirutan.
Sarearen arduraduna delakoan, gizonezko bat atxilotu zuten, osasun publikoaren aurkako delitua egotzita.