Gizartea -
ZIENTZIA
Exoplaneta batean inoiz aurkitutako bizi-zantzu sendoena topatu dute K2-18b planetan
Cambridgeko unibertsitateko adituek bizi-froga %99,7koa dela azpimarratu dute, baina Lurretik kanpo bizitza dagoela ondorioztatzeko % 99,99994koa izan behar da.
Agentziak | EITB MEDIA
Exoplaneta batean inoiz aurkitutako bizi-frogarik sendoena aurkitu dute, Lurrean bakterioak bezalako organismoek sortzen dituzten substantzia kimikoak daudelako K2-18b planetan.
Cambridgeko Unibertsitateko ikerlarien ikerketa bat da, eta James Webb Espazio Teleskopioak lortutako informazioa ebaluatu dute, Lurretik 124 argi-urtera dagoen K2-18b exoplaneta behatzen duena. Distantzia horretan, espazio-ontzi batek 187.000 urte beharko lituzke bertara iristeko.
Ikerketa hau 'The Astrophysical Journal Letters' egunkarian argitaratu dute zientzialariek: % 99,7ko ziurtasunarekin ezarri dute bizia dagoela zela bertan, baina % 99,99994ra iritsi behar dira Lurretik kanpo bizitza dagoela ofizialki ziurtatzeko.
Lurraren tamaina halako bi eta erdi da exoplaneta, Cambridgeko adituen arabera.
Teleskopioa gai da K2-18b-ren konposizio kimikoa detektatzeko, K2-18b-k bere izarraren inguruan orbitatzen duenean, gure eguzkiarekin alderatuta oso txikia baita.
Ikertzaileen arabera, James Webbek dimetilo sulfuroa (DMS) eta dimetilo disulfuroa (DMDS) antzeman ditu. Gas horiek Lurrean itsas fitoplanktonak eta bakterioek sortzen dituzte.
Cambridgeko Astronomia Institutuko ikertzaile nagusiak, Nikku Madhusudhanek, adierazi du unibertsoan bakarrik ez gaudela frogatzera hurbiltzen gaitu, eta planeta "bizitzaz gainezka" egon daitekeela iradoki du. "
K2-18b-n bizia dagoela baieztatzen badugu, galaxian bizia oso ohikoa dela baieztatuko genuke", esan dio BBCri.
Ur-lurruna ere detektatu dute, bizitzari eusteko moduko tenperaturekin.