Gizartea -
Sariak
Bilbo eta Usurbil, inklusioaren eta aniztasunaren Europako hiriburu
50.000 biztanletik gorako tokiko erakundeen kategorian, Bizkaiko hiriburuak zilarrezko saria lortu du. 50.000 biztanletik beherako tokiko erakundeen atalean, herri gipuzkoarrak zilarrezko saria ere bereganatu du.
Agentziak | EITB Media
Bilbo eta Usurbil saritu dituzte gaur Europako Batzordeak antolatutako Inklusioaren eta Aniztasunaren Europako Hiriburuen sarien laugarren edizioan. Sariok inklusioa bultzatzeko eta diskriminaziorik gabeko gizarteak sortzeko udalerriek eta eskualdeek egindako lana aintzatesten dute.
50.000 biztanletik gorako tokiko erakundeen kategorian, Bilbok zilarrezko saria lortu du "enplegu, hezkuntza, garraio, segurtasun, gazteria eta kirol arloetan egindako ekimenengatik", EBk ohar batean adierazi duenez.
50.000 biztanle baino gutxiagoko tokiko erakundeen atalean, Usurbilek (Gipuzkoa) ere zilarrezko saria lortu du, "bere ikuspegi inklusiboagatik eta genero-berdintasunari, migratzaileen integrazioari eta zaintzaren erantzukidetasunaren aldeko ikuspegiagatik", Bruselaren arabera.