Gizartea -

Bizkaia

Amatatu dute Berriatua eta Mendexa artean piztutako baso-sutea

06:50 aldera izan dute gertakariaren berri, eta 10:30erako itzalita zuten suhiltzaileek. Talde bat geratu da bertan, zaintza-lanetan.

EITB MEDIA

Whatsapp Facebook Twitter Telegram Email

Baso sutea piztu da goizean Berriatua eta Mendexa udalerrien artean (Bizkaia), Eusko Jaurlaritzako Segurtasun Sailak eitb.eus-i jakinarazi dionez, baina goizerdirako (10:30 aldera) amatatuta zuten suhiltzaileek.

Garrak Asterrika auzoko baso-eremu batean hasi dira, eta larrialdi-zerbitzuek 06:50ean izan dute horren berri. Berehala bertaratu dira Foru Aldundiko suhiltzaileak, Gernika-Lumoko basekoak, eta Eusko Jaurlaritzak suteak amatatzeko duen helikopteroa. Behin amatatuta, suhiltzaile talde bat inguruan geratu da, zaintza-lanak egiteko.

Oraindik ez dakite zer dela eta piztu den sutea.

Hau zure interesekoa bada, baliteke beste gai hauek ere izatea
Gaurko albisteak Bizkaia Suteak albisteak Gizartea albisteak Eguneko albisteak Albisteak Suhiltzaileak albisteak Bizkaiko Foru Aldundia azken orduko albisteak