Gizartea -
Kanoiak kendu dituzte
Zizurkilgo udalbatzak armarri berria aukeratu du
Herritarrek proposatuta, kanoiak kendu dituzte armarritik, 1.512ko Belateko gerraren ikurra zenez, Nafarroaren independentzia galtzea irudikatzen zutelako.
Erredakzioa
Zizurkilgo udalbatzak armarri berria aukeratu du gaur. Zizurkildarrek beraiek proposatutako ekimena izan da, izan ere, herritarrek parte hartu baitute ikur berria aukeratzen. Hauen aburuz, armarri zaharrak Nafarroaren independentziaren galera irudikatzen zuen, 1.512ko Belateko gerrako kainoiak agertzen zirelako.
Oraingo armarri berriak mendia, zubia eta haritza ditu ardatz eta armarri berria ospatzeko hainbat ekitaldi antolatu dituzte.
Horrela, udaletxean proposamena onartu ostean, trikipoteo bati ekin diote 12:00etan. Halaber, 14:00etan herri bazkaria egin dute. Arratsaldeko giroa Fermin Balentziako kontzertuak alaituko du.