Gizartea -
Ezkarai
Arabako bi mendizale erreskatatu dituzte San Lorenzoko haitz-puntatik
Mendizaleek beraiek eman diote abisua Errioxako SOS deiei eta lainoarekin despistatu egin direla azaldu dute. Bi emakumezkoak onik aurkitu dituzte.
Erredakzioa
Gasteizko 38 eta 40 urteko bi mendizale erreskatatu dituzte Ezkaraiko San Lorenzo Haitz-puntan, SOS Errioxa zerbitzuak aditzera emandakoaren arabera.
13:00ak jotzear zeudela, bi emakumezkok SOS Errioxa zerbitzura deitu dute Ezkaraiko San Lorenzo haitz-puntara igotzen zeudela lainoaren eraginez galdu egin direla esateko.
Jarraian, Guardia Zibila, Arnedoko Babes Zibileko erreskate taldea eta Vadezkaraiko eski- estazioko langileak emakumeen bila atera dira.
Hain zuzen ere, Valdezkaraiko pistetako arduradunek aurkitu dituzte galdutako bi arabarrak, onik, osasun zerbitzuen beharrik gabe.