Parlan ostegunean kolpez hildako haurtxoaren anaia hil da

Ostegunean Parlako etxebizitza batean hildako haurtxoaren anaia hil egin da 15:45ean Madrileko ospitale bateko Zaintza Berezietako Unitatean, ospitaleko bozeramaile batek aditzera emandakoaren arabera.

Estefany Karina S.S. umeen ama larri ospitaleratu zuten baina hobera egiten ari da. 20 urteko emakumeak arma zuriz egindako zauria du albo batean.

Hildako bi haurren birramona ere, Margaret Brenda G.R., 57 urtekoa, ospitalean da, baina bere pronostikoa ez da amarena bezain larria. Guztiak jatorri ekuadortarra dute.

Eztabaida gogorra

Gertaera ostegunean izan zen, 13:45ak aldera. Eztabaida gogorra sortu zen etxebizitzan eta J.G.C. izeneko gizonezkoak haur txikiena lurrera bota zuen eta haurrak kolpe izugarria hartu zuen buruan.

Halaber, hiru urteko haurrari hainbat kolpe eman zizkion, eta amari eta birramonari arma zuriz eraso zien.