Gizartea -
Gertaera
Gizonezko batek tiroz hil du emaztea Madrilen
Halaber, gizon honek 24 urteko beste emakumezko bat zauritu du Madrilgo Villaverde barrutian hainbat lagunen artean izandako liskar batean.
Erredakzioa
23 urteko emakumezko bat hil eta beste bat zauritu dira Madrilgo Villaverde barrutian hainbat lagunen artean izandako liskar batean, Poliziak jakitera eman duenez. Emaztea tirokatu ostean, gizonezkoak ospital batera eraman zuen eta osasun-zentroaren atean utzi zuen emakumea.
Gertaera larunbat honetan jazo zen, 19:00ak aldera, Los Rosales etorbidean. Oraindik argitu gabeko arrazoiengatik, hainbat lagunen arteko liskarra jazo zen. Lekukoen arabera, Angel M.F.k (24 urtekoa) birritan egin zuen tiro. Lehenengoan 24 urteko emakumezko bat hankan zauritu zuen, eta bigarren aldian, 23 urteko emaztea hil zuen.