Gizartea -
hondartzak
Bakioko, Arabako Landako eta Garaioko hondartzek aurten ere bandera urdina izango dute
Uraren bikaintasuna, bainularien segurtasuna eta hondartzako zerbitzuak aitortzen ditu bandera urdinak. Aurtengoa batuta, 10. urtea izango dute lau hondartzek aitortza hori jasotzen.
bakio
Bakioko hondartzak eta Arabako Landakoa eta Garaioko biek bandera urdina izango dute aurten ere, 10. urtez. Uraren bikaintasuna, bainularien segurtasuna eta hondartzako zerbitzuak aitortzen dituzte bandera azulek.
Espainiako Ingurumen Hezkuntzaren eta Kontsumitzailearen elkarteak (Adeac) sustatzen du ekimena eta 2024ko datuak argitaratu ditu astearte honetan. Hala, lau hondartza horiek 2024an berritutako banderari eutsi diote, eta Euskal Autonomia Erkidegoko bakarrak dira.
Arabako Foru Aldundiak ohar batean nabarmendu duenez, bandera urdina duten lurralde horretako hiru hondartzek 10 urte daramatzate jarraian sari hori jasotzen. Saray Zarate Garapen Ekonomiko eta Jasangarritasunerako diputatuak azpimarratu duenez, "Foru Aldundian ingurune naturalaren kontserbazioaren eta espazio naturalaren erabilera publikoaren orekari eustearen alde" egiten ari diren "etengabeko hobekuntzaren isla" da aitortza.
Mundu mailan, 52 estatutan ematen dira sari urdinak. Espainiako Estatuak du hondartzetarako bereizgarri gehien. Kirol-portuei dagokienez, hirugarren postuan dago.