Euskararen erabilera bultzatuko duela esan du Urkulluk

Iñigo Urkullu EBBko presidentearen ustez, hezkuntza politikak "akordio sozial eta politiko zabal baten babesa" behar du; izan ere, "bizikidetza" arriskuan dago, eta "herritar guztien hizkuntza hautua bermatzeko" deia egin du.

Euskararen Nazioarteko Egunean, Urkulluk euskara "geure hizkuntza" dela esan du: "Dugun bakarra ez izan arren, geuk duguna da eta, hortaz, beste edozein bezain duina da".

EBBko presidenteak historian euskara "zabaltzeko eta ezagutarazteko" hainbat deia izan dira. Hala ere, azken hiru hamarkadetan, aurrerapauso hori EAEn gehiago nabaritu da eta Nafarroan motelagoa izan da. Iparraldean, berriz, atzera egin dela deitoratu du.

Euskarak inoiz baino hiztun gehiago ditu, eta "geroz eta gutxiago dira gaztelania bakarrik erabiltzen dutenak", Urkulluren hitzetan. Hala ere, Nafarroan eta Iparraldean euskarak duen egoerarekin kezkatuta dagoela esan du.

Euskara sustatzeko erronken artean Euskara Batua eta duela 30 urte onartutako Euskararen Legea aipatu ditu Urkulluk, eta, EBBko presidentearen esanetan, herritar guztien erantzukizuna da euskararen, gaztelaniaren eta frantsesaren "bizikidetza".

Eusko Jaurlaritzak, lehendakariak eta sail guztiek "euskara gero eta gehiago erabiltzeko konpromisoa" hartu du Urkulluk.