29 urteko gizon bat atxilotu dute Bilbon, kalean bikotekidea jotzea leporatuta

Gainera, atxilotuak ertzainei aurre egin die eta botila batekin eraso egiten saiatu da. Emakumea Basurtuko Ospitalera eraman dute, eta atxilotuak ertzain-etxean jarraitzen du, epailearen aurrera noiz eramango zain.

AGENTZIAK | EITB MEDIA

publikatuta: 2025/06/01 13:02 (UTC+2)

azken eguneratzea: 2025/06/01 13:06 (UTC+2)

Ertzaintzak 29 urteko gizon bat atxilotu du Bilbon, genero indarkeriarekin lotutako delitua leporatuta, bikotekidea kalean jo ostean.

Erasotzaileak ertzainei bortizki aurre egin die, eta botila batekin eraso egiten saiatu da, Eusko Jaurlaritzako Segurtasun Sailak aditzera eman duenez.

Jazoera igande honetako 05:00ak aldera gertatu da, Bilboko Indautxu auzoan. Emakume bati eraso egiten ari ziotelaren berri izan du Herri Babeserako patruila batek. Bertaratu denean, erasotzaileak beirazko botila bat zuen eskuan, eta ertzainen kontra egiten saiatu da.

Emakumea Basurtuko Ospitalera eraman dute, eta atxilotuak ertzain-etxean jarraitzen du, epailearen aurrera noiz eramango zain.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea

Tratu txarrak Bilbo Indarkeria matxista Delituak Gizartea Indarkeria matxistaren biktimak Eguneko albisteak Albisteak

29 urteko gizon bat atxilotu dute Bilbon, kalean bikotekidea jotzea leporatuta

Esteka kopiatuta