Gizartea -
Sexu-ukituak egotzita
Gizon bat atxilotu dute Bilbon bi emakumeri sexu-ukituak egiteagatik
Halaber, Bilboko Mazarredo Zumarkalean goizalde honetan Ertzaintzak preso egindako gizonezkoak beste 11 atxiloketek osatutako aurrekari penalak ditu.
Erredakzioa
Ertzaintzak 26 urteko gizonezko bat atxilotu du goizalde honetan Bilbon, abusu sexualak leporatuta, Eusko Jaurlaritzako Herrizaingo Sailak jakitera eman duenez. Gizonak, ustez, sexu-ukituak egin dizkie bi emakumeri.
04:00ak aldera liskar bat jazo da hainbat lagunen artean. Ertzaintzako hainbat agente bertaratu dira eta lekuko batzuek salatu dutenez, gizon batek sexu-ukituak egin dizkio bi emakumeri. Biktimetako batek lekukoak esandakoa egiaztatu du.
Ertzaintzak ustezko erasotzailea atxilotu du. Gizonezkoak ez zeraman identifikatzeko dokumentaziorik, baina eskuko telefono bat atzeman diote. Ertzaintzak ikerketa abiatu du telefono horren jatorria ezagutzeko.
