Gizartea -
Zauritu larri bat
Kartzela zigorra Turtziozen gizon bat arma zuri batekin erasotzeagatik
Gertakaria joan den astelehenean izan zen, Turtziozeko 'El Pando' auzoan. Polizia heltzerakoan biktima bakarrik zegoen, erasotzaileak alde egin baitzuen.
Erredakzioa
Balmasedako Epaitegiak joan den astelehenean Turtziozen gertatutako erasoan atxilotutako gizona kartzelaratzea erabaki du ostiral goizean. Arma zuriarekin eginiko erasoan gizon bat larriki zauritu zen.
Gertakaria joan den astelehenean izan zen, Turtziozeko 'El Pando' auzoan. Oraindik zehazteke dauden arrazoiengatik, bi gizon eztabaida batean murgildu eta borrokan hasi ziren, horietako bat zauritua suertatuz. Polizia patruilak bertaratu zirenean, biktima soilik zegoen, erasotzaileak alde egin baitzuen. Ondoren, anbulantzia baten laguntzarekin Gurutzetako Erietxera eraman zuten.
Atxiloketa
Hurrengo egunean, Ertzaintzaren Krimenen Ikerketa Unitateak eginiko ikerketei esker, Ertzaintzak erasoaren ustezko arduraduna atxilotzea lortu zuen. Atxilotua epaileraren aurretik igaro da ostegun goizean.