Gipuzkoako hezitzaile bat epaituko dute, Aiako zentro batean adingabe bati sexu-abusuak egitea egotzita

Gipuzkoako Fiskaltzak 11 urteko espetxe zigorra eskatu du Aiako Iturriotz Azpi adingabeen zentroko gizarte-hezitzaile baten aurka, 2019 eta 2022 artean sexu-abusuak egitea egotzita. Akusazioaren arabera, gizarte-hezitzaileak 13-14 urteko adingabe bati egin zizkion abusuak.

Neska Gipuzkoako Foru Aldundiaren zaintzapean egon zen hamar urtez baino gehiagoz. Aldundiak, sexu-abusuak ezagutu bezain pronto, gertakariak fiskaltzari jakinarazi eta egoera salatu zuen. Biktima, gaur egun, adinez nagusia da eta Aldundiak ezin izango du epaiketan bere defentsarako jardun.