75 urteko emakume bat hil da Terrasan, bere senarrak erail ostean

75 urteko Terrasako (Bartzelona) emakume bat hilik arkitu dute larunbat honetan, ustez bere senarrak erail ostean. Esquadra Mossoek 80 urteko gizona atxilotu dutela jakinarazi dute.

Gizona goiz partean atxilotu duela jakinarazi du Poliziak komunikatu baten bitartez, dena den, eta hilketaren nondik-norakoak argitzeko asmoz, ikerketa zabalik dutela jakinarazi dute.

Emakumea arma zuri batekin erail dute, toraxean zauri handi bat baitzuen. Horrez gain, ustezko erasotzailea bere burua zauritzen saiatu dela adierazi dute, eta Terrasako Mutua Hospitalera eraman dute.

Aurten, 45 hildako

Kataluniako herriko Udalak azaldu duenez, senar-emazteran semea izan zen Polizia ohartarazi zuena, bere gurasoen etxebizitzaren goiko solairuan bizi baita. Dirudienez, aita semearengana joan eta bere emaztea hil duela aitortu dio.

Genero indarkeria kasua izan dela baieztatzen bada, 45 izango liratezke arrazoi horrengatik aurten hil diren emakumeak.