Aljeriak Malirekin duen muga itxi duela iragarri du

Aljeriako agintariek Malirekin duten mugaren itxiera iragarri dute. Azkenaldian iparraldeko lurraldea eta Armada erregularra (Duela hiru egunetik Frantziako tropen babesa du) kontrolatzen duten talde salafistek odolezko borrokaldiak izan dituzte herrialdean.

"Maliko zatiari muga ixteko hartutako neurrien berri eman diegu, azkenaldian Malin izandako gertaeren ostean babestuta dago", esan du Amar Belani Aljeriako Kanpo Arazoetako Ministerioko bozeramaileak.

Belanik azaldu duenez, Aljeriak Maliko lurralde-osotasuna zaintzea babesten du, terrorismoaren eta antolatutako nazioarteko krimenaren aurkako borroka eta Maliko krisiaren politikari irtenbidea emateko bilaketa.

Horren haritik, Ministerioko bozeramaileak esan duenez, "herrialdearen iparraldeko herritarren eta elkarrizketarako kalifikatutako aktoreen legezko aldarrikapenak" kontuan hartzeko beharra dagoela nabarmendu du.

Balizko negoziazio-mahai batean esertzeko baldintzei dagokionez, Belanik honako ezaugarri hauek nabarmendu ditu: "terrorismoa eta antolatutako krimena guztiz errefusatzea, baita Maliren osotasuna zalantzan jartzea ere".

Frantziak esan du Segurtasun Kontseiluak Malin esku-hartzea babesten duela

NBEren Segurtasun Kontseiluak Frantziak Malin militarki esku-hartzea babestu du, nazioarteko legezkotasunaren barruan, Gerard Araud Nazio Batuetako Frantziako enbaxadoreak azaldu duenez.

AEBek Frantziari babes logistikoa emango diote

Leon Panetta AEBetako Defentsa idazkariak azaldu duenez, “babes logistiko mugatua” emango die Frantziako Gobernuari, Malin egindako esku-hartze militarrean matxino salafistak geldiarazteko.  

Kanpo Arazoetako ministroak ostegunean eztabaidatuko dute krisia

Europar Batasuneko Kanpo Arazoetako ministroek hilaren 17an ohiz kanpoko batzordea egingo dute Maliko krisiaz hitz egiteko. Talde salafistek herrialdearen iparraldea hartu dute, iturri diplomatikoak jakitera eman dutenez.