Alderdiak elkarrizketarako deitu ditu Mursik indarkeriarekin amaitzeko

Mohamed Mursi Egiptoko presidenteak 11 alderdi politikoen buruzagiak deitu ditu baita herrialdeko pertsonaia garrantzitsuak ere elkarrizketarako; izan ere, azken egunetan indarkeria berpiztu da herrialdean eta nola aurre egin aztertzeko bilduko dira Presidentziak ohar batean adierazi duenez.

Bilera 18:00etan egingo dute eta helburua egoera aztertzea ez ezik, irtenbideak bilatzea izango da.

Ostiralean hasi ziren liskarrak Egiptoko iraultzaren bigarren urteurrena ospatzeko manifestazioetan. Halaber, Port Said estadioko sarraskian inplikatutako 21 laguni ezarritako heriotza zigorrak areagotu egin ditu istiluak eta gutxienez 47 lagun hil dira.

Hori dela eta, Mursik larrialdi egoera ezarri du Port Said, Suez eta Ismailia hirietan eta indarrean egongo da datozen 30 egunetan, hau da, 21:00etatik 06:00etara etxeratze-agindua bete beharko da.