Mundua -
Zisjordania eta Israel bidean
Palestinarrek eta juduek autobus ezberdinetan bidaiatuko dute
Juduentzat segurtasunerako mehatxua da palestinarrak autobusetan eurekin joatea.
Erredakzioa
Astelehenetik aurrera palestinarrek eta juduek autobus ezberdinetan bidaiatuko dute Zisjordania eta Israel bidea egiteko. Palestinako lurretako kolono-guneetan bizi diren juduen aspaldiko eskakizuna zen.
Afikim autobus konpainiak ibilgailu ezberdinak jarriko ditu Trans-Samaria autobideko geltokian. Palestinarrek sarrera debekatuta duten kolono-guneetatik esaterako, beste autobus batzuk joango dira Israelera bidea egiteko, geldialdirik egin gabe, Haaretz Israelgo egunkariaren arabera.
Arieleko alkateak aspaldi eskatu zuen neurria eta kolono-guneetako beste agintari batzuen babesa jaso du; izan ere, palestinarrak juduekin batera bidaiatzeak segurtasuna arriskuan jartzea duela diote.
Milaka palestinar joaten dira egunero Israelera lan egitera eta horietako batzuk autobusetatik bota egiten dituzte, nahiz eta legediaren arabera, lan egiteko baimena duen edozeinek garraio zerbitzu publikoa erabiltzeko eskubidea duen.
