15 ikasle hil dira Damaskoko Arkitektura fakultatearen aurkako erasoan

Gutxienez 15 pertsona hil dira eta beste hainbat zauritu Damaskoko Arkitektura fakultatearen aurka botatako jaurtigaien inpaktuaren ondorioz, Sana Siriako albiste agentzia nagusiaren arabera.

Bi jaurtigaiak eraikineko kafetegian erori dira, eta kalte handiak eragin dituzte bertan.

Zabaldutako irudietan, mahaietan odola eta ikasleek erabiltzen zituzten aulkien zatiak ikusten dira, besteak beste.

Bestalde, beste bi pertsona hil dira, "terroristek" Yaidat Artuz gunean, Poliziaren erresidentzia inguruaren aurretik pasatzen ari zen autobus txiki baten aurka tiro egin izanaren ondorioz.

Gutxienez 70.000 pertsona hil dira Siriako bi urteko gatazkan, NBEren azken datuen arabera.