Mundua -
Helburua: Times Square
Tsarnaev anaiek New Yorken atentatua egin nahi zuten
"New York hiria zerrendako hurrengo helburua zela jakinarazi digu FBIk. Lehergailuak Times Squaren zartarazi nahi zituzten", adierazi du hiriko alkateak.
Erredakzioa
Dzhokhar Tsarnaev Bostongo atentatuetako susmagarriak aitortu duenez, berak eta Tamerlan bere anaiak lehergailuekin eraso berri bat egin nahi zuten New Yorken, Michael Bloomberg hiriko alkateak gaur jakitera eman duenez.
"New York hiria zerrendako hurrengo helburua zela jakinarazi zigun FBIk bart. Lehergailuak Times Squaren zartarazi nahi zituzten", adierazi du Bloombergek prentsaurrekoan.
Bostongo maratoiko atentatuetan erabilitako lehergailuak urrunetik gidatutako jostailuzko autoen aginte batekin zartarazi zituztela azaldu dute AEBetako ikertzaileek. Bestalde, Tamerlan Tsarnaeven arriskuaz AEB "askotan" ohartarazi zuela errepikatu du Errusiako Gobernuak.
AEBetako ikertzaileek Ordezkarien Ganberan jakitera eman duetenez, Bostongo maratoiko lehergailuak jostailuen aginte batekin zartarazi zituzten erasotzaileek.
