Berlusconiren zigorra berretsi du Italiako Auzitegi Gorenak

Mediaset auzian iruzur fiskala egiteagatik Silvio Berlusconi lehen ministro ohiari ezarritako lau urteko kartzela-zigorra berretsi du Italiako Auzitegi Gorenak, baina Milango Apelazio Gorteari bost urteko inhabilitazioa berriro aztertzea eskatu dio.

Politikari uko egingo ez diola iragarri du Berlusconik. Zigorrak herritarren begiak zabaltzea espero du lehen ministro ohiak. Italiako epaile batzuek "menderatu" nahi dutela salatu du.

Bideo batean igorritako mezuan, zigorra bere aurkako "jazarpen" judizialaren adibide berri bat dela erantsi du Berlusconik.

Inhabilitazio epeak berriz aztertzeko auzia Milango auzitegiaren eskuetan berriro uztea erabaki du Gorenak. Horrela, erabakiak Italiako Gobernuari eta Berlusconiri arnasbidea eman die.

Asteartean, Fiskaltzak zigorra berrestea baina inhabilitazioa 3 urtera murriztea proposatu zuen. Atzo, Il Cavaliereren defentsak zigorra bertan behera uztea eskatu zuen.

Mediaset auzian, Mediaset auzian, Silvio Berlusconi Italiako lehen ministro ohiari lau urteko kartzela-zigorra ezarri zioten, filmen salerosketan iruzur fiskala egiteagatik. Horrela, 2012ko urriaren 26ko epaia berretsi zuen Milango epaitegiak uztailean.

2012ko urrian lehen zigorra ezarri zioten, Mediaset auziagatik, eta 2013ko martxoan urtebeteko espetxe-zigorra ezarri zioten, Unipol auziagatik urtebeteko. Lehen ministroak helegitea aurkeztu zuen, baina alferrikakoa izan zen; izan ere, aurreneko zigorra berretsi zuten epaileek.

Alessandra Galli magistratua buru zela, Milango auzitegiak lau urteko kartzela-zigorra eta bost urteko inhabilitazioa berretsi zuen. Halaber, AEBetako filmen salneurria puzteagatik ere zigortu zuten. Gainera, dirua atzerrira eramatea egotzi diote.