Mundua -
Iragarpen polemikoa
Herbehereetako Gobernuak aldaketak iragarri ditu Ongizate Estatuan
Horren ordez, "gizarte parte-hartzailea" lortu nahi dute. Herbehereetako errege-erreginak Madrilen izango dira gaur, eta Asturiasko printze-printzesarekin eta Mariano Rajoyrekin elkartuko dira.
Erredakzioa
Herbehereetako Gobernuak Ongizate Estatuan aldaketak eta 6.000 milioi euro aurrezteko murrizketa berriak egingo dituela adierazi du astearte honetan. Guillermo Alejandro Herbehereetako erregeak iragarri ditu Gobernuak urte politikoaren hasieran onartutako doitasun neurri berriak.
Erregeak lehen aldiz egin du horrelako iragarpen bat. Horren hitzetan, "Ongizate Estatua gizarte parte-hartzaile bihurtzen ari dela uste du Gobernuak, eta herritarrek beren bizitzekiko duten erantzukizuna handitu egin da".
Osasungintzan, pentsioetan eta higiezinen sektorean ere aldaketak egin behar dira jasangarriak izatea bermatzeko, Guillermo Alejandro erregearen arabera.
Herbehereetako errege-erreginak Madril bisitatuko dute gaur
Guillermo Alejandro eta Maxima Zorreguieta Herbehereetako errege-erreginek Madrilen igaroko dute gaurko eguna, eta Espainiako Errege Etxeko kideekin bazkalduko dute, Diputatuen Kongresua bisitatuko dute bazkalostean eta Mariano Rajoyrekin bilera egingo dute.
Apirilaren 30ean izendatu zuten Guillermo Alejandro Herbehereetako errege, eta karguari zina egin zuenetik Espainiara egiten duen lehen bisita da gaurkoa.