Iranek akordioa sinatu du ikuskatze nuklear gehiago baimentzeko

Iranek eta Energia Atomikoaren Nazioarteko Agentziak ikuskatze nuklear gehiago onartzeko akordioa sinatu dute. Akordioaren arabera, ur astuna darabilen Arakeko erreaktorea eta Gachineko uranio meategia nazioarteak ikuskatzea baimendu dute, Fars agentziak argitaratu duenez.

Yukiya Amano Nazio Batuen Erakundeko (NBE) agentziaren zuzendariak Teheranen Ali Akbar Salehi Irango Energia Atomikoaren Elkartearen presidentearekin egin duen bileran sinatu dute akordioa.

Energia Atomikoaren Nazioarteko Agentziarekin sinatu duen akordioaren arabera, Agentziaren eta Iranen arteko liskarrak konpontzeko helburua du, eta Nazio Batuen Erakundeak kontrolatu ahal izango du Irango programa nuklearrak helburu baketsuak dituela.

Irango Energia Atomikoaren Elkarteak Segurtasun Nazionalerako Kontseiluaren baimena jaso duela esan du. Horrela, Teheranek eta Agentziak dituzten tirabirak konpontzen saiatuko dira.