Hollandek kazetarien galderei erantzun beharko die gaur

Valérie Trierweiler Frantziako lehen dama ospitalean da ostegunetik, eta medikuek atseden hartzeko agindu diote. Informazio batzuen arabera, baliteke gaur bertan ateratzea ospitaletik.

Bestalde, François Hollande Frantziako presidentea kazetarien aurrean agertuko da bihar bertan aurrenekoz, Closer aldizkariak Julie Gayet aktorearekin harremana daukala argitaratu ondoren.

Eliseoak atzo baieztatu zuen Trierweilerren inguruko albistea, baina, iturri horien arabera, Hollanderen emaztea ostegunetik dago erietxean. Egun horretan kaleratu zen Hollandek aktore batekin zuela harremana.

Bihar, Frantziako presidenteak urte hasierako ohiko prentsaurrekoa eskainiko du, eta 500 kazetari baino gehiago izango ditu bertan, galderak egiteko asmoz.