Mundua -
DARDARA
Gutxienez sei hildako izan dira Txilen, lurrikara baten ondorioz
Agintariek herrialdeko kostalde osoa ebakuatzeko agindu dute, baina dagoeneko tsunami alerta bertan behera uzteko erabaki dute.
Erredakzioa
Richter eskalan 8,2 graduko maila hartu duen lurrikara batek Txileko iparraldea astindu du asteazken honetan. Ondorioz, agintariek kostalde osoa ebakuatu dute. Gutxienez sei pertsona hil dira.
Dardararen epizentroa itsasoan izan da, Cuya herritik 89 kilometro hego-mendebaldera, eta Arica eta Parinacota eskualdeak astindu ditu gehien.
AEBko Zerbitzu Geologikoaren (USGS) arabera, lurrikararen ostean 4,5 eta 6 gradu arteko 15 erreplika gertatu dira.
2010. urtean, 8,8 graduko lurrikara batek suntsipen handia eragin zuen Txile hegoaldean, eta 526 pertsona hil ziren.
