Mundua -
Ezbeharra
19 ikasle zauritu dira AEBko eskola batean izan den erasoan
16 urteko ikasle bat atxilotu dute, gutxienez 20 pertsona labankadaz zauritzeagatik. Biktimetako 19 ikasleak dira, eta lau larri daude.
Erredakzioa
Gutxienez 19 ikasle zauritu dira, horietatik lau larri, armatuta zihoan pertsona batek eskola batean aizto batez egindako erasoan, Pensilvanian, AEBen ekialdean, agintariek jakitera eman dutenez.
Eskolako distrituak interneteko webgunean azaldu duenez, "ezbehar larri bat izan da eskolan", Murrysvillen, Pittsburg herriko ekialdean 40 kilometrora.
16 urteko ikasle bat atxilotu dute, gutxienez 20 pertsona (horietatik 19 ikasleak) sastatzea leporatuta, Pensilvanian, CNNk jakitera eman duenez.
Telebistatik emandako lehen informazioen arabera, pertsona bat eskolatik ibili da, aizto batekin bere ibilbidetik zihoazen ikasle guztiak zaurituz.
Eskola-distrituak eskola guztiak bertan behera utzi ditu, eta, uneotan, ikasle guztiak salbu daudela nabarmendu dute.
Pittsburgeko telebista-kate baten informazioaren arabera, lau pertsona helikopteroz eraman dituzte zentro medikora, eta beste zazpi pertsona Forbeseko ospitalean daude.