Mundua -
Indonesia
Bidaiari mozkor batek izua eragin du hegazkin batean, Balin
Hasiera batean pilotuak esan du bahiketa bat zela, eta horrek nahasmendua eragin du. Gero, ordea, Poliziak jakinarazi du mozkor bat zela eta atxilotuta zegoela.
Erredakzioa
Virgin Australia aireko konpainiak argitu duenez, Balin (Indonesia) lur hartu duen hegazkina ez dute bahitu, baina mozkor batek izua eragin du, pilotuaren kabinara sartu nahian, Indonesiako telebistak jakitera eman duenez. Poliziak dagoeneko atxilotu du gizonezkoa, hegazkinak Denpasar Bali uharteko hiriburuan lur hartu ostean.
Bidaiari mozkorra pilotuaren kabinan sartzen saiatu denean, pilotuak bahiketa saiakera bat zela pentsatu du, eta aireko garraio agintariei eman die horren berri. Horrek eragin du nahasmendua.