Munduko emakume boteretsuenak

Forbes aldizkariak munduko ehun emakume boteretsuenen zerrenda argitaratu du. Berriro ere, Angela Merkel Alemaniako kantzilerrak zerrendaren hasieran dago. Bere atzean, Janet Yellen AEBko Erreserba Federalaren presidentea eta Melinda Gates filantropoa daude.

2014ko ehun emakume boteretsuenen zerrendan 18 aurpegi berri daude, eta 7 Latinoamerikakoak dira.

Forbesen arabera, munduko hamar emakume boteretsuenak dira:

1. Angela Merkel, Alemaniako kantzilerra

"Azken hamar urteetan, bederatzi urtez munduko emakume boteretsuena izandakoa, gizonezkoek menderatzen zuten munduan ustekabean sartu zen, bere herrialdeko lehenengo emakume kantzilerra bihurtzerakoan", horrela definitzen du Forbes Angela Merkel.

2. Janet Yellen, AEBko Erreserba Federalaren presidenta

Janet Yellen 2014ko otsailean izendatu zuten AEBko Erreserba Federaleko presidentea. Dilma Roussefferi bigarren postua kendu dio zerrendan.

3. Melinda Gates, filantropoa

Melinda Gates filantropoak munduko emakume boteretsuenen artean dago bere enpresa eta fundazioa propioak sortzeagatik.  Bera bezala, beste 18 emakume ere aipatu egiten dira.

4. Bilma Rousseff, Brasilgo presidentea

Dilma Rousseff bigarren postutik laugarren postura jaitsi da. Zerrendan, postu altuenean dagoen Latinoamerikako emakume presidentea da.

5. Christine Lagarde, NDFko zuzendaria

Christine Lagarde frantziarra da Nazioarteko Diru Funtsako zuzendaria, 2011an hartu zuen kargua.

6. Hillary Clinton, AEBko Estatuko idazkari ohia

Hillary Clintonek AEBko Estatuko idazkari ohia kargua aurreko urtean utzi zuen, eta oraindik ez du baieztatu Estatu Batuetako hauteskundeetara aurkeztuko den.

7. Mary Barra, Generals Motorseko arduraduna

Mary Barra Generals Motorseko arduraduna da. Urte hasieran hartu zuen kargua, Daniel Akerson ordezkatuz.

8. Michelle Obama, AEBko lehen andrea

Michelle Obama AEBko lehen andrea da. Estatu Batuetako hauteskundetan, Obamaren garaipenarekin bere herrialdeko lehen dama beltza bihurtu da.

9. Sheryl Sandberg, Facebookeko operazio zuzendaria

Sheryl Sandberg egun Facebookeko operazio zuzendaria da. 2011an Bloomberg aldizkariak Interneteko eragin handiko 25 pertsonen artean jarri zuen.

10. Virginia (Ginni) Rometty, IBMko zuzendaria

Ginni Rometty IBMko lehenengo emakume presidentea eta zuzendaria da.