Mundua -
Bruselako goi-bilera
Merkel: 'Putinekin hitz egingo dugu zigor gehiago abiatu aurretik'
G7ak premiatu egin du Errusia tropak Ukrainako mugetatik kentzera, eta iruzurtzat jo ditu Siriako hauteskundeak.
Erredakzioa
Moskuk Ukrainarekiko jarrera aldatzen ez badu, Errusiaren kontrako zigorrak martxan jarriko dituztela azaldu du asteazken honetan Angela Merkel Alemaniako kantzilerrak. Edonola ere, pauso hori eman baino lehen, G7ak datozen egunotan Vladimir Putin Errusiako presidentearekin hitz egiteko asmoa duela nabarmendu du.
Izan ere, G7ko buruek goi-bilera egin dute Bruselan, eta, hitzordu horretan, premiatu egin dute Errusia tropak Ukrainako mugetatik kentzera eta irtenbide diplomatikoaren alde "serio" ekitera. Edonola ere, beharrezkoa balitz, Moskuri zigor berriak ezartzearen alde azaldu dira AEB, Frantzia, Erresuma Batua, Italia, Alemania, Kanada eta Japonia.
Hala jasotzen du zazpi herrialde horietako buruek sinatuko duten adierazpenaren zirriborroak.
Siriako hauteskundeak
Bestalde, G7ko buruek iruzurtzat jo dituzte Siriako hauteskundeak, eta Baxar al-Asadek etorkizunik ez duela adierazi dute idatzi berean.
