BBCk ehunka kaleratze iragarri ditu albistegietan

BBC Britainia Handiko kateak ehunka kaleratze iragarri ditu ostegun honetan, batik bat albistegien departamentuan, urtean 800 milioi (mila milioi euro) libra aurreztea lortzeko bi urtez.

James Harding berrien eta gaurkotasunaren zuzendariak aurreikusitako kopurua zehaztu ez duen arren, Kazetarien Sindikatu Nazionalak 500 inguru izan daitezkeela jakinarazi du.

Harding The Times egunkaritik irten eta BBCn sartu zen. Gaur posta elektroniko bidez langileei azaldu dienez, kaleratze "esanguratsuei" aurre egin beharko diete, eta proposamena uztailean zehaztuko duela nabarmendu du.

"Litekeena da kaleratze kopuru esanguratsu bat izatea, eta sentitzen dut, baina ez dago irtenbiderik; kostuaren zati handiena pertsonalari lotuta dago, beraz, tarte gutxi dago aurrezte handiak beste arloetan egiteko", adierazi du.

Bozeramaile batek esan duenez, katea Erresuma Batuan telebista jabeek ordaintzen duten kanon batekin finantzatzen da, eta kaleratzeak beharrezkoak direla nabarmendu du "urtean 2016-2017rako 800 milioi libra aurreztea" lortzeko.