Itxi

2014/08/11

12:39

Mundua

Krisia Ukranian

Ehunka presok ihes egin dute Donetsken bonbardaketa baten ostean

Erredakzioa

Leherketaren ostean presoak matxinatu egin dira, eta horietako 106k espetxetik ihes egin dute. Erasoak hildako bat eta 18 zauritu eragin ditu.

  • Whatsapp
  • Whatsapp
  • Telegram
  • Bidali

Ehun preso baino gehiagok ihes egin dute bart Donetskeko espetxe batetik bonbardaketa baten ostean, jakinarazi du Ukrainako hiri horretako Udalak, errusiarren aldeko miliziek kontrolatzen dutena. Erasoak hildako bat eta 18 zauritu eragin ditu.

Ihesaldia segurtasun handiko Nº 124 presondegian jazo da, artilleriaren jaurtigai batek eraikinaren bloke baten kontra jo ostean, azaldu du Udalak bere webgunean publikatutako nota batean.

Leherketaren ostean, presoak matxinatu egin dira eta horietako 106k espetxetik ihes egin dute. Erasoaren eraginez, presondegiaren administrazioa eta tailerrak kalteak jasan dituzte.

Udalaren arabera, presoen zati bat espetxean aurkeztu dira berriro ere gaur goizean.

Borrokak hirian

Donetsk hiria errusiarren aldeko miliziek kontrolatzen dute, baina Kieveko Gobernuko tropek inguratuta daukate.

Ukrainako agintariek baieztatzen dutenez, errusiarren aldeko milizien egoera etsigarria da, eta horietako askok Errusiara alde egin nahi dute. “Hala ere, terroristek (hala deitzen die Kievek errusiarren aldeko milizianoei) indar guztiekin geldiarazi nahi dute Armadaren ofentsiba”, adierazten du Ukrainiako aginte militarraren nota batek.

Kieven arabera, errusiarren aldeko separatistek indarrak biltzen ari dira Errusiarekin mugan dagoen Sverdlovsk hirian, errefortzuak bidali ahal izateko Donetsk eskualdeko Torez, Snézhnoe eta Rovenki herrietara.

  • Bisitatuena

      Kargatzen ikusiena
      Kargatzen ikusiena
    ;