Bederatzi etorkinen gorpuak aurkitu dituzte itsasoan, Italian

Italiako kostazainek bederatzi etorkinen gorpuak atera dituzte uretatik eta 144 etorkini laguntza eman behar izan diete. Libiako kostaldetik 80 miliara hondoratu den ontzi batean zihoazen, Italiako noranzkoan.

Kostazainek gaur goizean aurkitu dute ontzia, eta, horiek erreskatatu ostean, desagertuta zeuden etorkinen bila aritu dira.

Bizirik atera diren etorkinak eta hildakoen gorpuak Sizilian lehorreratuko dituzte.

Asteburuan, 5.629 etorkini lagundu behar izan diete, Kostako Poliziaren bozeramaileak jakitera eman duenez.