Mundua -

Errefuxiatuak

Merkelek dio ez duela xenofobiarik onartuko

Alemaniako kantzilerrak 50 inguru pertsonako talde baten txistuak entzun behar izan ditu errefuxiatuak jasotzen dituen herri alemaniar batean, asteburuan istilu larriak izan ziren lekuan.

Erasotutako errefuxiatu gune bat bisitatu du Merkelek

0:33

agentziak | erredakzioa

Whatsapp Facebook Twitter Telegram Email

Angela Merkel Alemaniako kantzilerrak azpimarratu du Alemanian ez dagoela "tolerantzearik" xenofobiarekiko, 50 inguru pertsonako talde batek, asteburuan errefuxiatuen aferagatik istilu larriak izan ziren lekuan, txistuka jaso ostean.

"Ez dago tolerantziarik besteen duintasuna zalantzan jartzen dutenekiko, ez dago tolerantziarik laguntzeko prest ez daudenekiko, legezko laguntza eta humanitarioa behar beharrezkoak direnean", berretsi du Merkelek.

"Hori argi adierazten dutenak gero eta gehiago izan, are eta indartsuagoak izango gara", adierazi du kantzilerrak Heidenaun, asteburuan manifestari neonaziek istilu larriak eragin zituzten herrian.

Alemaniak jasotzen du asilo eskaera gehien Europar Batasunean, eta Gobernuak uste du aurten laukoiztu egingo dela kopurua, 800.000raino.

Hau zure interesekoa bada, baliteke beste gai hauek ere izatea
Migrazioa Alemania argazkiak Angela Merkel albisteak