Mundua -

Krimeako penintsula

Polemika, Putinek eta Berlusconik Jerez botila bat irekitzeagatik

Sorta horretako ardo botila bakoitza 150.000 dolarrean baloratuta dago. Kieveko Fiskaltzak auzibide penala zabaldu du Estatuko ondasun batez bidegabe jabetzeagatik.

Vladimir Putin Errusiako presidentea Krimeako Massandra upategira egindako bisitan. Argazkia: EFE
Vladimir Putin Errusiako presidentea Krimeako Massandra upategira egindako bisitan. Argazkia: EFE
Vladimir Putin Errusiako presidentea Krimeako Massandra upategira egindako bisitan. Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

Eztabaida piztu da Ukrainan, Vladimir Putin Errusiako presidenteak eta Silvio Berlusconi Italiako lehen ministro ohiak 1775eko Jerez botila bat ireki zutelako, berriki Krimeako Massandra upategira egindako bisitan.

Kieveko Fiskaltzak auzibide penala ireki du Estatuko ondasun batez bidegabe jabetzea egotzita, Errusiako eta Ukrainako hedabideek jakinarazi dutenez.

"Kalteak bi milioi grivnatik gorakoak (80.000 euro baino gehiago) dira", adierazi die Nazar Jolodnitski Krimeako fiskal ondokoak Ukrainako hedabideei.

Putinek eta Berlusconik aurreko astean bisitatu zuten Krimea penintsulako Massandra upategia eta, antza denez, Yanina Pavlenko bertako zuzendariak ireki zuen botila eta probatzeko eskaini zien bisitariei.

Telebistako irudietan ikus daitekeenez, Berlusconik ardo botila bat hartu zuen eskuetan, eta probatu zezakeen galdetu zion zuzendariari. Zuzendariak baietz erantzun bazion ere, ez dute zehaztu bi agintariek ardoa probatu zuten ala ez.

Gisa horretako bost botila ardo gelditzen dira, eta bakoitza 150.000 dolarretan baloratuta dago.

Hau zure interesekoa bada, baliteke beste gai hauek ere izatea
Nazioarteko berriak Krimea gaur Ukraina azken orduko Errusia Vladímir Putin argazkiak Prentsa digitalaren azken orduko Albisteak Italia