Mundua -
Tiroketa AEB-n
Lagun bat hil eta bi zauritu dira tiroka Tennesseeko Unibertsitatean
Dirudienez, dadoetan ari zirela eztabaidan hasi dira eta tiroka bukatu omen dute liskarra.
Agentziak | Erredakzioa
Pertsona bat hil da eta bi zauritu dira, tiroka, Nashville hirian (AEB hegoaldea), Tennessee Unibertsitate Estataleko campusean, Poliziak jakitera eman duenez.
Bertan 23:00ak zirenean, dirudienez, dadoetan ari ziren gazte batzuk eztabaidan hasi dira, eta campuseko patioan bukatu dute, tiroka. Zauritutako bi pertsonak Vanderbilt ospitalera eraman dituzte.
Urriaren 1ean ere tiroketa jendetsua izan zen Oregoiko (AEB mendebaldea) goi-mailako eskola batean. Gizon armatu bat ikastetxera sartu zen, eta hamar pertsona hil eta bederatzi zauritu zituen.
Egun batzuk geroago, urriaren 9an, pertsona bat hil zen Texas Hegoaldeko Unibertsitatean (Houstondik gertu) izandako tiroketa batean. Egun berean, beste pertsona bat zendu zen, beste tiroketa batean, Arizona Iparraldeko Unibertsitatean (AEB hego-mendebaldea).
