Mundua -
Tragedia Bukaresten
Errumaniako lehen ministroak dimisioa eman du
Victor Ponta ustelkeriagatik epaitzen ari dira, eta dimisioa eman du, atzo, diskotekako sutea dela eta, 20.000 pertsona kalera atera ostean.
agentziak | erredakzioa
Victor Ponta Errumaniako lehen ministroak dimisioa eman du gaur, asteburuan diskoteka batean izandako sutean 32 pertsona hil eta atzo 20.000 herritarrek Gobernuko kideen dimisioa eskatu ostean.
Hala ere, Pontaren erabakiaren atzean ez dago segurtasun neurriak urratu zituen diskotekako tragedia soilik; izan ere, ustelkeriagatik epaitzen ari dira, zerga iruzurra, dirua zuritzea eta dokumentuak faltsutzea leporatuta.
"Gizartearen haserrea zilegi da, eta hori onartu beharra daukat", adierazi du lehen ministroak.
"Espero dut dimisioarekin manifestariak asetzea", azpimarratu du.
