Mundua -
Juba hiriburuan
40 hildako Hego Sudanen izandako hegazkin istripu batean
Jubako aireportuko agintariek jakinarazi dute ez zietela hegan egiteko baimenik eman hegazkinak ez baitzuen mantentze lanak egin.
Agentziak | Erredakzioa
Hego Sudaneko hiriburuan erori den hegazkin batean 40 pertsona hil dira asteazken honetan. Istripua Jubako aireportutik 800 metrora jazo da eta, Antonov fabrikatzaileak azaldu duenez, mantentze lanen faltagatik ez zuen hegan egiteko baimenik.
Ezbeharra izan den tokian 35 gorpu berreskuratu dituzte momentuz, baina oraindik ez da ezagutzen bidaiari kopurua, ez dagoelako zerrendarik. Tripulazioa bost armeniarrek eta errusiar batek osatzen zuten. Halaber, biktima guztiak hegosudandarrak ziren.