Mundua -
PARISKO ATENTATUAK
Bataclaneko bala galdu bat jaso zuen pertsona baten gorpua topatu dute
Stephane Hache 52 urteko frantziarra da hildakoa. Bataclan kontzertu-aretotik gertu bizi zen, eta etxean topatu dute hilda, bizkarrean bala bat zuela. Etxeko leihoa zabalik zegoen.
AGENTZIAK | ERREDAKZIOA
Gizon baten gorpua topatu dute asteburuan Parisko etxebizitza batean, bizkarrean tiro bat zuela. Bataclan aretotik gertu dagoen apartamentu batean bizi zen, eta bertan aurkitu dute haren gorpua. Antza, ostiralean izandako tiroketan bala galdu bat jaso zuen. Etxeko leihoa zabalik zuen, eta bertatik sartu zen bala, Poliziaren arabera.
Stephane Hache 52 urteko frantziarra da hildakoa. Haren familiak eman zion abisua Poliziari, atentatuak izan zirenetik, gizonaren arrastorik ez zutela eta.
Zerbitzari lanetan aritzen zen, eta Parisko etxebizitza horretan bizi zen, eta Les Sables-d?Olonne udalerrian, Frantzia hegoaldean, gurasoen etxean ere, denboraldi luzeak ematen zituen.
