Mundua -
Ustez lehergailuak zituen
Alarma piztu da AEBetako hegazkin batean gizon batek erretzean
Iturri ofizialek adierazi dutenez, ez dute lehergairik aurkitu Washington eta Denver artean bidaiatzen ari zen hegazkinean.
Erredakzioa
Qatarrreko diplomazialari batek alarma piztu du United Airlines konpainiako Washington Denver arteko hegaldi batean zigarro bat pizten saiatzean.
Agente federalek atzo atxilotu zuten Mohammed al Modadi diplomazialaria, hegazkina Dulleseko (Virginia) aireportuan aireratu ostean. Hegazkinean 157 bidaiari eta tripulazioko sei kide zeuden, NBC telebista kateak adierazi duenez.
Ustez, gizona bere zapatak erre nahi zituela esan zuen agente federal batek harrapatu zuenean, zigarro bat pizten saiatzean, adierazi dute iturri ofizialek hedabide lokaletan.
Alarma piztean, Amerikako Estatu Batuetako Aire-Armadaren bi ehiza-hegazkin eskolta eman zioten United Airlines konpainiako hegazkinari, Buckleyn lurreratu arte.
Iturri ofizialek adierazi dutenez, ez dute lehergairik aurkitu Washintong eta Denver artean bidaiatzen ari zen hegazkinean.