Mundua -

Hondamendia Ekuadorren

443 dira Ekuadorreko lurrikararen ondorioz hildako lagunak

4.000 pertsona baino gehiago zaurituta daude, eta 20.000 inguru etxerik gabe geratu dira. Erreskate-taldeak bizirik egon daitezkeen lagunen bila ari dira hondakinen artean.

Erreskate-taldeek bizirik egon daitezkeen lagunen bila jarraitzen dute. Argazkia: EFE
Erreskate-taldeek bizirik egon daitezkeen lagunen bila jarraitzen dute. Argazkia: EFE
Erreskate-taldeek bizirik egon daitezkeen lagunen bila jarraitzen dute. Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

Joan den larunbatean Ekuador astindu zuen lurrikararen ondorioz hildako lagunak 443 dira, eta zauritutakoak, 4.027. Gainera, 231 pertsona desagertuta daude. Hala jakinarazi du Ricardo Patiño Ekuadorreko Defentsa ministroak.

Bitartean, erreskate-taldeak lanean ari dira eraikinen hondakinen artean bizirik egon daitezkeen lagunak topatzeko.

Gaur, Quitoko suhiltzaileek hiru pertsona erreskatatu dituzte bizirik, Manta hirian behera etorritako zentro komertzial baten hondakinen artean.

Bestalde, Guiillaume Long Ekuadorreko kantzilerrak azaldu duenez, 20.000 bizilagun inguru etxerik gabe geratu dira.

Hau zure interesekoa bada, baliteke beste gai hauek ere izatea
Munduko albisteak Gizartea Prentsa digitalaren azken orduko Hondamendi naturalak albisteak Eguneko albisteak Lurrikarak Hondamendi naturalek kaltetutakoak