72 orduz luzatu dute su-etena Alepon eta Latakian

Errusiako Defentsa Ministerioak adierazi duenez, Alepo hirian eta Latakiako probintziako gune batzuetan indarrean dagoen su-etenak, Sirian, 72 orduko luzapena izango du, larunbateko gauerditik hasita, hau da, astelehenetik astearterako gauera, behintzat. Hala eman du jakitera SANA Siriako estatu-agentziak.

Su-etena, ahula bada ere, asteazkenean sartu zen indarrean Alepon; Latakian, ordea, apirileko 29an hasi zen tregoa. Aipatu probintziaren gainean Washingtonek eta Moskuk su-etena zuten adostuta, baina hautsi zen.

Ostiral honetan, Dimitri Peskov Kremlineko bozeramaileak defendatu du Errusiako Aire Indarrak Sirian egindakoa; izan ere, nabarmendu du "arduraz jokatzen ari dela, tregoa-giroari kalterik ez egiteko". Ostegunean bonbardaketa izan zen Idlibeko probintzian, iparraldean, errefuxiatu-esparru batean.