Mundua -
Maroko
Sei adingabe atxilotuta Marokon, 14 urteko neskato bat bortxatu ostean
Erasoa Rabatetik 20 kilometrora gertatu da, neskatoa behiei jaten ematen ari zien unean. Erasotzaileek mehatxu egin diote eta ihes egin dute bortxaketaren ostean.
Agentziak | Erredakzioa
13 eta 16 urte bitarteko sei adingabe atxilotu dituzte Marokon, taldean 14 urteko neskato bat bortxatu ostean Rabatetik gertu.
Biktimak behiei jaten ematen ari zien unean gertatu da erasoa, Rabatetik 20 kilometrora. Neskatoari arma zuriekin mehatxu egin ostean, taldean bortxatu dute, eta, ihes egin aurretik, bakarrik utzi dute.
Erasotzaileak atxilotu ondoren adingabeentzako zentro batera eraman dituzte.
Pasa den hilabetean antzeko eraso bat gertatu zen Marrakexen (Maroko). Kasu horretan, hamasei gaztek neskato bat bahitu eta bortxatu zuten gau osoan