Mundua -

'Brexit'

EB uzteko 'kapitaina' ez dela bera izango iragarri du Cameronek

Hala, urrian lehen ministro berria aukeratu beharko dutela iragarri du Erresuma Batuko gobernuburuak. Referendumean herritarren erabakia “oso argia” izan dela azpimarratu du Cameronek.

David Cameron Erresuma Batuko lehen ministroa. Argazkia: EiTB
David Cameron Erresuma Batuko lehen ministroa. Argazkia: EiTB
Dimisioa emateko asmoa iragarri du David Cameronek

Agentziak | Erredakzioa

Whatsapp Facebook Twitter Telegram Email

Erresuma Batuak Europar Batasuna (EB) uzteko erabakia hartu ondoren, urrian dimisioa emateko borondatea agertu du David Cameron lehen ministroak.

Herrialdea “helmuga berri” batera, Europar Batasunetik kanpo, eramango duen “kapitaina” ez dela bera izango iragarri du Cameronek. Hala, urrian lehen ministro berria aukeratu beharko dutela esan du.

Europar Batasunean jarraitzearen aldeko kanpaina egin ondoren, EBtik ateratzeko prozesua zuzenduko duen “kapitaina” bera izatea ez litzatekeela “zuzena” izango azaldu du Erresuma Batuko gobernuburuak prentsaurrekoan.

Gainera, alderdiak urrian lehen ministro berria aukeratzeko kongresua egingo duela iragarri du Cameronek. Galdeketan, herritarren erabakia “oso argia” izan dela azpimarratu du agintariak.

Erresuma Batuaren “borondatea” errespetatu behar dutela nabrmendu du lehen ministroak.

Bere erabakiaren berri Isabel II.a erreginari eman diola adierazi du buruzagiak. Horrela, Alderdi Kontserbadorearen agintaritza urrian utziko duela aurreratu du.

Hau zure interesekoa bada, baliteke beste gai hauek ere izatea
Munduko albiste zirraragarriak EB Erresuma Batua David Cameron albisteak Gaurko azken ordukoa Brexit albisteak