Mundua -
Tiroketa
Bi pertsona hil dituzte tiroz Marsellan
Horrez gain, 14 urteko neska gazte bat larri zauritu dute istilu berean.
Agentziak | Erredakzioa
Bi gizon hil eta 14 urteko neska bat larri zauritu dituzte Marsellan (Frantzia), kalashnikov armekin izandako tiroketan. Ezbeharra hiriaren iparraldeko auzo gatazkatsuan gertatu da, polizia-prefekturak aditzera eman duenez.
Hildako bi biktimak kotxe barruan zeudela tirokatu dituzte, "cité Consolat" etxebizitza sozialen blokeko aparkalekuan, hain zuzen ere. Zauritutako neskari, berriz, handik gertu egin diote eraso.
"BFM TV" telebista-kateak adierazi duenaren arabera, gaztea hilzorian dago.
Aurten 16 pertsona hil dituzte Marsellan, narkotrafikoa eta delitugintza direla eta kasu gehienetan.
Hau zure interesekoa bada, baliteke beste gai hauek ere izatea