Lurpeko tutua moztea lortu du BPk

Mexikoko Golkoan petrolio isuria darion lurpeko tutua moztea lortu du British Petroleumek, Estatu Batuetako kostazainek jakinarazi dutenez.

Thad Allen kostazainen komandanteak prentsaurrekoan adierazi duenez, eztanden prebentzio sistemari lotuta dagoen tutua moztea lortu du BPk, atzo operazioa aurrera eramateko arazo anitz izan ostean.

Dena den, Allenek ohartarazi duenez, orain arteko mozketa irregularra da, eta horrek zailtasunak ekar ditzake isuria jasotzerakoan eta itsasontzi batera eramatekoan.

Bihar Barack Obama Luisianako golkoko kostaldera itzuliko da, isuriaren eragina gehien jasan duen gunera; AEBetako hondamen ekologiko handiena eragin du isuri honek.

Hilabete eta erdian hondamen tokira egiten duen hirugarren bisita izango da hau.