Israel iparraldeko eta erdiguneko suteek zabaltzen jarraitzen dute

Israelen hasitako sute-kateak zabaltzen jarraitzen du, azkenak herrialdeko erdigunean eta iparraldean izan dira, ehunka pertsona ebakuatu behar izan dituzte, eta hainbat etxebizitzek kalteak jasan dituzte, Poliziak jakitera eman duenez.

Beit Meir herria, Jerusalenetik gertu, eta Sajur eta Nahf komunitateak, Galitea gunean, izan dira kalte gehien jasan dituztenak ostegun gauean. Zenbait azpiegiturei kalte egin diete, baina ez da zauriturik izan, Poliziak azaldu duenez.

Micky Rosenfeld Israelgo Poliziaren bozeramaileak adierazi duenez, hamabi pertsona atxilotu dituzte ustez suteekin erlazionatuta. Benjamin Netanyahu Israelgo lehen ministroak eta Guilad Erdán Barne ministroak “terrorismo forma berritzat” jo dituzte eraso hauek.