Mundua -
I-11
Beste 72 gorpu topatu dituzte 'zero guneko' hondakinen artean
Gorpu batzuen tamaina eta kontserbazio onari esker, DNA frogak egin ahal izango dituzte. 'Zero guneko' hondakinen 700 metro kubikotatik topatu dituzte gorpuzkinak.
Erredakzioa
2001ko irailaren 11ko atentatu terroristetatik ia bederatzi urtetara, hiriko agintariek 72 giza gorpuzkin topatu dituzte hondakinen artetik. Gorpu batzuen tamaina eta kontserbazio onari esker, DNA frogak egin ahal izango dituzte hilotzak identifikatzeko. ''Zero guneko'' hondakinen 700 metro kubiko gordetzen dituzte Staten Islanden, eta bertan topatu dituzte gorpuzkinak.
Atentatu egunetik 2010eko urtarrilera arte Forense Institutuak 21.744 gorpuzkin berreskuratu zituzten, eta hauetatik 12.768 identifikatu ahal izan dituzte. Eraso egunetik, atentatuetako 1.626 biktima identifikatu dituzte, ustez hil ziren 2.752etatik %59a hain zuzen ere.