Mundua -
Gaza (Palestina)
32 lagun zauritu dira Hamaseko buru baten etxean izandako leherketan
Leherketaren nondik norakoak ez dira oraindik argitu eta Gazak erasoa Israeli egotzi dioen arren, armadak ezbeharraren egiletza ukatu du.
Erredakzioa
32 palestinar zauritu dira Hamaseko komandante baten etxean izandako leherketan, Gazako Zerrendan.
Gaur iluntzean izan da leherketa Hamaseko buruaren etxean, Deir El Balahako udalerrian. Etxebizitzaren barruan eta kanpoaldean zeuden hogeita hamar lagunetik gora zauritu dira eta beste sei etxebizitzetan kalteak eragin ditu leherketak, Wafa palestinar albiste agentziak aditzera eman duenez.
Leherketaren nondik norakoak ez dira oraindik argitu eta Gazak erasoa Israeli egotzi dioen arren, armadak ezbeharraren egiletza ukatu du, iturri militarrek Eferi jakinarazi diotenez.