Mundua -
Txinako espazio agentzia
Tiangong 1 espazio estazioa atmosferan sartu eta Ozeano Barean zehar sakabanatu da
Urtarrilean, espazio agentziak ziurtatu zuen kontrolpean izango zutela estazioaren itzulera, ingurumena kaltetu eta pertsonarik zauritu gabe.
agentziak | erredakzioa
Txinako Espazio Agentziak (CNSA) jakinarazi duenez, Tiangong 1 espazio estazio txinatarra Lurreko atmosferan sartu eta Hego Ozeano Barean zehar sakabanatu da.
Espazio-ontziaren "zati gehienak" atmosfera ukitu dutenean desegin dira, 08:15 aldera (hango ordua), CNSAren esanetan, baina ez du zehaztu zehatz-mehatz non erori diren.
Yonhap Hego Koreako albiste agentziak 04:00-16:00ak aldera sartzea espero zuen, baina igandean sartu da azkenean. Ondoren, espazio agentziak informazioa baieztatu du.
Bestalde, AEBko Aire Indarrak baieztatu du Hegoaldeko Ozeano Barean sartu dela espazio estazioa.
Gertaera, halaber, Australiak, Kanadak, Frantziak, Japoniak, Alemaniak, Italiak, Hego Koreak eta Erresuma Batuak baieztatu dute.
Urtarrilean, espazio agentziak ziurtatu zuen kontrolpean izango zutela estazioaren itzulera, ingurumena kaltetu eta pertsonarik zauritu gabe. Agentziako ingeniari baten hitzetan, estazioa kiskali egingo zen atmosferan sartzean, eta ondoren zatiak itsasoan erori.